Mus-Mus - Juan Mari Irigoien

Debekatuz eta debekatuz
—baita musa bera ere!—
dibertitzen dira asko
jaun Bele eta jaun Belasko.

Nik, ordea, musaren musika dut maite,
zeren askatasunarena ere baden,
gaur egun bai bederen.

Handira jo du Belek enbido,
txikira Belaskok hordago,
eta ni… hemen ezinean:
dinbilin-danbalan,
ea pareetan zorterik badudan…

Zertan ari naiz, baina,
pareak ere ez baditut,
are gutxiago duplesak…?
Kontxara etorri omen dira
ez dakit nongo markesak!

Jokoz kanpo utzi bainaute,
jokorik ere ez dut, jakina:
nirea, baina, beste joko bat da jada,
jokoa bihurtu baitut jolas,
gure arteko solas…

Hemen nago, bai, hitzekin jolasean,
bai baitira beste musika asko,
bele-belaskoen karranketatik aparte:
txolarreak egiten du txio-txio,
zozoak fiu-fiu,
eta galeperrak poxpolin:
uraren begian dantzan Marisorgin!

Musak alde ditut, gainera
—muskuiluak ere bai, antza—,
eta asma dezadan zerbait,
ea nire aldera
                makurtzen dudan balantza:

Mus-mus,
poto bat titanlux!
Mus-mus,
gora Starlux!
Mus-mus,
tranbia edo autobus!
Mus-mus,
armagileak ipurdian bi obus!
Mus-mus,
flamenko andaluz!
Mus-mus,
gaizki galbiltzak diruz!
Mus-mus,
Botín jaunarekin kontuz!
Mus-mus,
kartak erakus!

Baina ni elebiduna naiz,
eta, gogoak halaxe aginduta,
bi eletan jolastuko naiz,
bareen herrian barraskiloa apaiz:

Mus-mus, 'musaraña',
itsusia haiz alajaina!
Mus-mus, 'musculoso',
gihartsua haiz oso!
Mus-mus, 'muslo',
mus-mus, izter:
arkakusoa saltoka
bazterrik bazter!

Horaziok ere ederki 
  laburbildu zuen
      gure egoera esperpentikoa
                        esaldi bakarrean:
'Parturiunt montes,
nascetur ridiculus mus'. 

Musa debekatuz
dibertitzen dira asko
jaun Bele eta jaun Belasko,
'¡qué asco!'

ESKUBIDE GUZTIAK DENONTZAT,
baita muslariontzat ere, zer arraio!,
gero arte, aio… gero arte, aio…

Actos por los Derechos Civiles y Políticos

Lizarrako ekimenak parte hartze plurala izan du. Hala nola, EA eta Ezker Abertzaleko zinegotziak izan dira, CUE -ko militanteak, ELA eta LAB sindikatuetako partaideak, kultura, kirol, gazte, emakume eta ekologisten mugimenduetako partaideak ere izan dira. Eskubide zibilen aldeko mugimenduaren sorrera bultzatzeko adierazpena Koldo Leozek eta Marua Eguenia Santa Mariak irakurri dute. 

Donostian 250 pertsona inguru bildu dira. Lurrean kandelekin "Eskubide guztiak denontzat" leloa marraztu da. Bilbon aldiz 300 pertsona inguru bildu dira. Ekimenaren amaieran errepidea moztu dute zebra bidean. Gasteizen ere ekimena izan da. 

Agur bat


En el acto convocado en Lizarra por el movimiento en favor de los derechos civiles y políticos de Euskal Herria con motivo de la celebración del día internacional por los DDHH han participado unas 40 personas, representando a un espectro muy amplio de la ciudadanía de Lizarra. Había personas de partidos políticos como concejales de EA e Izquierda Abertzale, militantes de la CUE (candidatura unitaria de Estella), sindicalistas de ELA, LAB y personas referenciales de movimientos culturales, deportivos, movimiento juvenil, grupos de mujeres, ecologistas...El manifiesto en favor de la creación de un movimiento por los derechos civiles y políticos lo han leído Koldo Leoz (profesor de la Ikastola), y MªEugenia Santamaría (movimiento cultural)

Adjuntamos a la reseña una foto del acto de Lizarra

En el acto de Donostía se han reunido alrededor de 250 personas y han colocado velas en el suelo dibujando el lema "Eskubide guztiak denontzat". En Bilbo han sido alrededor de 300 las personas congregadas y al final del acto han realizado un corte de carretera cruzando el paso de cebra. También se han realizado un acto en Gasteiz. 

Movilizaciones

Bilbo: 19:00 - Plaza Circular


Donostia: 19:00 - Boulevard


Gasteiz: 19:00 - Virgen Blanca


Lizarra: 19:00 - Plaza de los Fueros

KARTELA

Versión para descargar

Programa de mano

Programa de mano

Programa en francés

Eskuorria

Eskuorria

Badator Euskal Herriko eskubide zibilen aldeko mugimendua

Euskal Herriko herritarrok zuzenki eta modu aktiboan inplikatu behar dugu denok nahi dugun
ziklo aldaketa lortzeko. Herri honek denbora gehiegi darama alde askotariko indarkeria eta
inposaketa dinamika batean murgildurik, eta horrek galarazten digu marko demokratiko berri bat
sortzea gure bizitza politiko eta soziala libreki garatzeko.


Behingoz aldaketarako aukera benetakoak daude, eta norabide horretan hainbat urrats egin
dira. Nolanahi ere, eskubide urraketak gertatzen ari dira oraindik, helburu dutenak prozesua
oztopatzea, atzeratzea edo boterearen zein interes politiko edo alderdikeriazkoen menpeko
bihurtzea.


Alabaina, Euskal Herriko gizartearen gehiengoak nahi du prozesuak aurrera egin dezan
behingoz. Bizitza eta askatasun eskubideak bermatuak egongo diren eskenatokia nahi dugu;
libreki erabakitzeko eskubidea, bazterketa eta betorik gabe; denendako etorkizun baketsua eta
askatasunezkoa edukitzeko eskubidea. Ez ditugu blokeoak eta atzerapenak ametituko zikloa
goitik behera aldatzeko prozesuan eta pertsona guztien eskubideak bermatuko dituen
eskenatokia lortzeko bidean.


Duela hilabete batzuez geroztik hainbat ekimen abian jarri dira Euskal Herrian eskubide zibilen
aldeko mugimendu bateratua, irekia eta askotarikoa martxan jartzeko. Mugimendu hori
erabakigarria izango da aldaketa prozesua bide onetik joan dadin. Horiek horrela, herritar eta
gizarte eragile askok adierazpena egin genuen irailaren 11n Bilboko Kafe Antzokian egindako
bilkuran. Adierazpena berretsia izan zen urriaren 2an Bilbon egin zen manifestazio jendetsuan
eskubide guztiak pertsona guztiendako aldarrikatu zituena.


Garaia da Euskal Herriko Eskubide Zibilen aldeko Mugimenduari bulkada erabakigarria
emateko. Mugimendua auzo, herri, eskola, unibertsitate eta mugimendu sozialetara hedatu
behar da. Denok mugitu eta konprometitu behar dugu bakea, demokrazia eta askatasunezko
eskenatokia lortzeko. Aldaketaren motorra izan behar dugu, blokeoak, oztopoak eta
atzerapenak gaindituz. Euskal jendartearen interes orokorraren alde egin behar dugu honako
hauek eskuratzeko:


• Euskal herritarrak protagonista nagusiak izatea eta, beraz, iniziatiba hartzea parte-
hartzea eta gizarte mobilizazioaren bidez aldi berri bat has dadin, non eskubideak
bermatuko baitira.


• Estatu Espainiar eta Frantsesek, estatu demokratiko eta zuzenbidezkoei dagokien
gisan, berehala eta egiazki bermatuko dizkiete beren eskubide zibilak norbanako zein
kolektiboei, inolako salbuespenik gabe.


• ETAk erantzun berehalakoa, irmoa eta baiezkoa emango die Bruselako Adierazpenak
zein Gernikako Akordioak egiten dizkioten eskaerei.


Deia egiten diegu Euskal Herriko herritarrei eta gizarte, kultura, kirol zein aisialdi eragileei
Eskubideen Zibilen aldeko Mugimendua sustatu, antolatu eta garatzeko, nahi dugun ziklo berria
lortzeko ezinbestekoa baita. Horretarako, heldu den abenduaren 10ean, Giza Eskubideen
Nazioarteko Egunean alegia, kalera atera behar dugu “Eskubide guztiak denentzat” lemaren
pean, mugimendua mugituz gauzatzen dela erakusteko eta askatasuna, bakea, justizia soziala
eta demokraziarantz zuzentzeko.


Euskal Herrian, 2010ko Abendua
mugimenduasortzen@gmail.com